«Тасымалдаушы» жедел-профилактикалық іс-шарасы басталды

21–24 ақпан аралығында Ұлытау облысының аумағында «Тасымалдаушы» республикалық жедел-алдын алу іс-шарасы өтеді.

Іс-шараның мақсаты – жол-көлік оқиғаларының алдын алу, жолаушыларды заңсыз тасымалдау деректерін анықтау, сондай-ақ жол қозғалысы қауіпсіздігін қамтамасыз ету.

ЖПІШ аясында полиция қызметкерлері:

қоғамдық көліктерді және жеке тасымалдаушыларды тексереді;

заңсыз жолаушы тасымалдау фактілерін анықтайды;

техникалық жай-күйі мен құжаттарының сәйкестігін бақылайды;

жүргізушілердің еңбек және демалыс режимін сақтауын қадағалайды.

Іс-шараға мүдделі мемлекеттік органдар тартылып, өңір аумағында рейдтік және профилактикалық жұмыстар күшейтілді.

Ұлытау облысының полициясы тұрғындарды тек заңды әрі қауіпсіз тасымалдаушылардың қызметін пайдалануға шақырады.

Жолдағы қауіпсіздік – баршамызға ортақ міндет!