Қоғамдық қауіпсіздік бақылауда: полиция 90-нан астам құқықбұзушылықты анықтады

Түркістан облысы аумағында қоғамдық қауіпсіздікті қамтамасыз ету мен құқықбұзушылықтың алдын алу бағытында кешенді жұмыстар жүргізілуде. Осыған орай Жетісай ауданы полиция бөлімі қызметкерлері арнайы профилактикалық іс-шаралар ұйымдастырды.

Рейдтік жұмыстар барысында 90-нан астам әкімшілік құқықбұзушылықтар анықталды.

Атап айтқанда, мас күйде көлік басқарудың 1 дерегі, көлік жүргізу кезінде ұялы телефон пайдаланудың 2 жағдайы, бағдаршамның қызыл түсіне өтудің 1 фактісі әшкереленді. Сонымен қатар қоғамдық орындарда мас күйде жүрудің 3 және белгіленбеген орындарда темекі шегудің 3 жағдайы кездесті.

Сондай-ақ кәмелетке толмағандарға қатысты құқықбұзушылықтар да назардан тыс қалмады. Түнгі уақытта заңды өкілдерінсіз жүру және ойын-сауық орында

рында болу деректері бойынша бірнеше әкімшілік шара қолданылды. Бұдан бөлек, қоғамдық орындарды ластау, рұқсатсыз сауда жасау және жаяу жүргіншілердің жол ережесін бұзу фактілері де тіркеуге алынды.

Профилактикалық іс-шаралар нәтижесінде 8 автокөлік айып тұрағына қойылды.

Полиция қызметкерлерінің айтуынша, мұндай алдын алу шаралары алдағы уақытта да тұрақты түрде жалғасын табады. Бұл өз кезегінде тұрғындардың қауіпсіздігін қамтамасыз етіп, құқықтық мәдениетті арттыруға ықпал етеді.