Түркістан облысында жол қозғалысы ережелерін өрескел бұзудың ондаған дерегі анықталды.

Түркістан облысында республикалық маңызы бар автожолдарда полиция жол жағдайын тәулік бойы бақылауды қамтамасыз етуде. Рейдтік іс-шаралар барысында бір тәулік ішінде жол қозғалысы ережелерін өрескел бұзудың ондаған дерегі тоқтатылды. Олардың қатарында полиция қызметкерлерінің заңды талаптарына бағынбау және жылдамдықты арттыру фактілері бар.

         Осылайша мемлекеттік тіркеу нөмірінсіз немесе жалған нөмірмен көлік басқарған шамамен 50 жүргізуші жауапкершілікке тартылды. Мәселен, Шымкент–Самара автожолында мемлекеттік нөмірсіз жүрген BMW автокөлігі тоқтатылды. 28 жастағы жүргізуші жауапкершілікке тартылды.

         Осының нәтижесінде жалған немесе жасырын тіркеуі бар көлік құралдарын пайдалану фактілерінің жолы кесіліп, ықтимал құқық бұзушылықтар мен жол-көлік оқиғаларының алдын алу қамтамасыз етілді. Бұл бағыттағы жұмыс тұрақты негізде жалғасын табады.