Түркістанда полицейлер қаруды заңсыз сақтау фактісінің жолын кесті

"Учаске" жедел-профилактикалық іс-шарасы аясында Түркістан облысы Полиция департаментінің Экстремизмге қарсы іс-қимыл басқармасының қызметкерлері тіркелмеген қару заңсыз сақтау фактісін анықтады.

Жедел-іздестіру іс-шараларының нәтижесінде полицейлер үйінен тіркелмеген атыс қаруы табылған Түркістан қаласының тұрғынын ұстады. Жедел уәкілдер тінту кезінде күдіктіден екі травматикалық және бір пневматикалық мылтық, тегіс ұңғылы мылтық, сондай-ақ 30 шамамен патрон мен кастет тәркіледі.

Аталған факт бойынша сотқа дейінгі тергеп-тексеру және істің барлық мән-жайларын анықтауға бағытталған басқа да қажетті іс-шаралар жүргізілуде.

Түркістан облысының полицейлері қарудың заңсыз айналымы фактілерін анықтау және жолын кесу жұмыстарын жалғастыруда. Негізгі мақсат-азаматтардың қауіпсіздігін қамтамасыз ету және қару-жарақ қылмыстарының алдын алу.