150 жастың қатысуымен нашақорлыққа қарсы флешмоб өтті

 «26 маусым Халықаралық нашақорлыққа қарсы күрес күні» орай Түркістан облысы Полиция департаменті Есірткі қылмысына қарсы іс-қимыл басқармасы мен Түркістан облысы әкімдігінің ұйымдастыруымен флешмоб өткізілді.

Қала және аудан жастарын қамтыған бұл шараға 8-11 сынып оқушыларынан құралған 150 жасөспірім қатысты. Флешмобқа қатысушылар өз сөзінде нашақорлықпен күресудің маңыздылығына тоқталды.

Шараның басты мақсаты – қоғамның назарын нашақорлық мәселесіне аудару және жастар арасында есірткіге деген теріс көзқарасты қалыптастыру.