Түркістан облысында жас инспекторлар республикалық кезеңге өтті

 

Түркістан облысы полиция департаменті мен білім басқармасы бірлесіп, "Жас жол инспекторлары" жасақтарының облыстық кезеңінің соңғы кезеңін өткізді Түркістан қаласындағы №32 жалпы білім беретін мектеп базасында өткен маңызды шараға аудандардан келген 11–14 жас аралығындағы балалар командасы қатысты.

Байқау жол жүрісі қағидалары, үгіт-насихат бригадасы, велосипед тебу, автоқалада велосипед жүргізу, жас реттеуші, эрудиттер турнирі, жас санитар және басқа да кезеңдерден тұрды.

Жарыс қорытындысы бойынша І орынды Түркістан қаласының командасы, ІІ орынды Жетісай ауданының командасы, ІІІ орынды Бәйдібек ауданының командасы иеленді. Қатысушыларға дипломдар, сондай-ақ түрлі номинациялар бойынша марапаттар табысталды. Облыстық кезеңнің жеңімпаз командасы республикалық кезеңге жолдама алды.