Есірткі өткізгені үшін ұсталған Шымкент қаласының тұрғынынан қару тәркіленді

Көлік полицейлері жедел-іздестіру іс-шараларының нәтижелері бойынша Шымкент қаласының аумағында жалпы салмағы 21 грамм «марихуана» есірткі затын өткізген 32 жастағы азаматты ұстады.

Тінту кезінде ұсталғаннан «марихуана» есірткісі, тегіс ұңғылы қару және бірқатар оқ-дәрілер тәркіленді.

Қазіргі уақытта сотқа дейінгі тергеу жүргізілуде.

Өзге ақпарат ҚР ҚПК 201-бабының талаптарына сәйкес тергеу мүддесіне орай жария етілмейді.