Көлік полицейлері 370 млн теңгеден астам ферроқорытпаны ұрлаған қылмыстық топтың жолын кесті

Көліктегі полиция департаментінің жан-жақты тергеуінің арқасында Бас көлік прокуратурасының үйлестіруімен Семей және Аягөз станциялары арасындағы учаскеде жүк пойыздарынан бірнеше рет ферроқорытпа ұрлығын жасаған топтың қылмыстық әрекеті тоқтатылды. Бұл туралы Көліктегі ПД бастығы Бақытжан Малыбаев мәлімдеді.

Оның айтуынша, бұл жүк «Қазхром» ТҰК» АҚ құрамына кіретін Ақсу ферроқорытпа зауытына тиесілі болған. Жүк Қытай арқылы Жапония мен Үндістанға жіберілген болатын.

«Компанияға келтірілген залал сомасы 370 млн теңгеден асты», - деді полиция полковнигі.

«Абай облысы Жарма аудандық сотының шешімімен күдіктілер кінәлі деп танылып, 5 жылдан 6 жылға дейін бас бостандығынан айырылды», - деді ол.

Үкім заңды күшіне енген жоқ.