«Астана – Алматы» рейсінің жолаушысы орынсыз әзіл үшін жауапқа тартылды

«Астана – Алматы» бағытындағы әуе рейсіне тіркеуден өту кезінде 30 жасар алматылық әуежай қызметкерінің тыйым салынған немесе жарылғыш заттардың бар-жоғы туралы сұрағына: «Иә» деп жауап беріп, кейін бұл жай ғана әзіл екенін айтқан.
Қауіп төнуі мүмкін деген хабарлама бірден тіркеліп, Астана әуежайындағы желілік полиция бөлімінің қызметкерлері авиациялық қауіпсіздік қызметімен бірлесіп, тексеріс жүргізді. Эвакуация жасауға ешқандай негіз анықталмағандықтан, әуежай қалыпты режимде жұмысын жалғастырды.
Іс материалдары қаралғаннан кейін жоғарыда аталған азамат ұсақ бұзақылық жасағаны үшін жауапқа тартылды.

 

Көліктегі ПД азаматтарға қауіпсіздікке қатысты кез келген, тіпті әзіл түрінде айтылған мәлімдемелердің құқық бұзушылық болып саналатынын және заңда белгіленген жауапкершілікке әкелетінін ескертеді.