Жыл басынан бері Көліктегі полиция департаментінде пойыздардың шұғыл тежелуінің 683 фактісі тіркелді, еліміздің темір жолында 522 рет үй жануарларын басып кету фактісі, оның ішінде 257 бас жылқы, 78 бас ірі қара, 86 ұсақ мал және басқалар.
Мәселен, ағымдағы жылғы 1 мамырда Қызылорда облысының «Жаңақорған - 26 РЗД»-де жүк пойызының машинисі темір жолда ұсақ малдың болуына байланысты шұғыл тежеуді қолданды. Соқтығысу нәтижесінде 11 бас қой поездың астына түсті. Жоспарланбаған пойыз тұрағы 10 минутты құрады.
Тексеру барысында Қызылорда станциясындағы желілік полиция бөлімінің қызметкерлері үй жануарларының иесі болып табылатын 32 жастағы азаматты анықтады.
Ер адам теміржолға бөлінген жолақта мал жаю ережелерін бұзғаны үшін әкімшілік жауапкершілікке тартылды.
Көлік полициясының қызметкерлері шаруа қожалықтарының иелеріне қауіпсіздік шаралары туралы тағы да ескертеді және теміржол маңында үй жануарларын жаю кезінде мұқият болуды сұрайды. Соқтығысудың әрбір дерегі пойыздың рельстен шығып кетуі және адам өлімі, тасымалданатын жүктің бүлінуі немесе жоғалуы сияқты ауыр зардаптарға әкелуі мүмкін екенін білу қажет.
1 мамыр – Қазақстан халықтарының бірлігі күні. «Халықтар достығы» жай ғана айтылған сөз емес. Себебі, Қазақстан көп ұлтты мемлекет. Барлығы бір шаңырақ астында, бір үйдің баласындай ғұмыр кешуде.
Әрбір отбасы - шағын мемлекет десек, бүгінгі біздің кейіпкеріміз Көліктегі ПД Көкшетау станциясындағы желілік полиция бөлімінің кезекші бөлімі кезекшінің көмекшісі - Александр Воеводин. Ол Ресейден Қазақстанға ата-анасымен 1986 жылы қоныс аударған. Жас мамандар ретінде жолдама бойынша келген. Әкесі бас механик, ал анасы ұстаз болып көп жылдары СҚО Ленинградское селосында еңбек етіп, зейнеткерлікке шыққан.
Александр Воеводин 1983 жылдың 8 тамызында Ресейдің Новосибирск облысы Купинск ауданында дүниеге келген. Ұлты - орыс. 2000 жылы мектепті тәмамдап, 2001- 2003 жылдары әскери борышын өтеген.
2005 жылы ішкі істер органдарына қызметке келді. Осы жылы бір мектепте оқыған қазақ қызы Әселмен отбасын құрды. Бұл берекелі жанұяның шаңырақ көтергеніне биыл 19 жыл. Интернационалды отбасында бір ұл бала мен екі қыз бала тәрбиеленіп жатыр. 2006 жылы дүниеге келген Егор Көкшетау қаласындағы Азаматтық қорғаныс көпсалалы колледжінің 1 курс студенті, жеңіл атлетикамен шұғылданады. Жуырда колледжаралық жарыста I орындарға ие болды.
15 жасар қызы Софья Көкшетау қаласындағы 17 мектептің 8 сынып оқушысы, ал кіші қызы Полина болса әлі балабақшада. Жұбайы - Әсел Көкшетау қаласының Ю. Гагарин атындағы балабақшада тәрбиеші болып еңбек етеді. Олар қыста демалыс күндері орманда шаңғы тебіп, шанамен сырғанаса, жазда табиғат аясында серуендеуді ұнатады.
Александр Валерьевич бала күнімнен-ақ өскенде форма киіп, сақшы болғысы келгенін айтты: Арманым адастырған жоқ. Полиция жұмысы өте жауапты. Мамандығыммен әрдайым, мақтанамын және қоғамдық тәртіпті сақтау жолында бар күш-жігерімді салуға әзірмін.
Ерлі-зайыптылар бақытты ғұмыр кешуде. Бұл отбасы қонақжайлылығымен ерекшеленеді. Дастарзханға түрлі ұлттық тағамдар: орыс халқының құймақтары, қазақтың бауырсақтары мен бесбармағы, сондай- ақ басқа ұлттардың тағамдарынан дәм тата аласыздар, отбасында мерекелер қызықты өтеді. Осы отбасы көптеген халықтардың салт- дәстүрін біледі және құрметтейді, өйткені олар діні мен ұлтына қарамастан бір-бірін сыйлайтын көпұлтты Қазақстанда өмір сүріп жатыр.
«Бәрімізге белгілі кең байтақ еліміз Қазақстан алуан ұлттар мен ұлыстар өкілдерін бауырына басқан, бейбітшілік пен татулықты әлемге үлгі еткен, достық пен ынтымақ елі жасай берсін», - полиция старшинасы.
Өткен жылдың қараша айында Қандыағаш станциясындағы Желілік полиция бөлімінің қызметкерлері «Астана–Атырау» бағытиындағы жолаушылар пойызынан 29 жастағы Атырау облысының тұрғынын түсіріп алған болатын. Ол жол жүру барысында масаң күйде болып жолаушылардың тыныштығы мен қоғамдық тәртіпті бұзған.
Мән-жайды анықтау үшін полиция бөлмесіне жеткізу кезінде құқық бұзушы өзін өте дөрекі ұстап, себепсіз билік өкілдеріне балағат сөздер айтқан. Сонымен қатар, заңды талаптарға бағынбай полиция қызметкерлеріне дене жарақатын салған.
Ұсталған адам бұған дейін есірткі затын сатқаны үшін қылмыстық жауапкершілікке тартылғаны анықталды.
Аталған азаматқа қатысты билік өкілін қорлау және билік өкіліне қатысты қорқыту немесе күш көрсету әрекеттері фактілері бойынша сотқа дейінгі тергеу жүргізілді.
Ақтөбе облысы Мұғалжар аудандық сотының үкімімен ер адам аталған қылмыстық құқық бұзушылықтар жасағаны үшін кінәлі деп танылып, оған 4 жыл 6 ай мерзімге бас бостандығынан айыру жазасы тағайындалды.
Естеріңізге сала кетейік, полиция қызметкерлері билік өкілі болып саналады. Өздерінің қызметтік міндеттерін атқаруына байланысты билік өкілдеріне қатысты адамның өміріне немесе денсаулығына қауіпті емес күш қолдану немесе күш қолдану қатері үшін әкімшілік және қылмыстық жауапкершілік көзделген.
Көліктегі полиция департаментінде Ардагерлер кеңесінің есеп беру және сайлау конференциясы өтті. Оған Департамент басшылығы, Қазақстан ішкі істер органдарының Ардагерлер кеңесі және Ұлттық ұлан төрағасы милиция генерал-майоры Өмірзақ Болсамбеков, сондай-ақ Көліктегі ІІО ардагерлері қатысты.
Департамент бастығы Бақытжан Малыбаев ең алдымен қазіргі уақытта полиция алдында тұрған міндеттер туралы айтып, жеткізді. Ол сондай-ақ жас қызметкерлерді тәрбиелеуде, ұрпақтар сабақтастығын жалғастыруда ішкі істер органдары ардагерлерінің рөлі жоғары екенін атап өтті. Жинақталған кәсіби тәжірибенің оң дәстүрлері мен құндылықтары ІІО-ның кадрлық әлеуетін нығайтуда зор маңызға ие.
Конференцияда Ардагерлер кеңесі мен Тексеру комиссиясы төрағасының соңғы 5 жылдағы атқарған жұмыстары туралы есептер тыңдалды, ұйымдық-штаттық мәселелер қаралды.
КПД ардагерлер кеңесінің төрағасы Есболат Шаймерденовтің айтуынша, Көліктегі полиция департаментінде 2293 ардагер бар, Орталық өңірде 803, Оңтүстік-Шығыста 800 және Батыс өңірде 690 ардагер бар. Олардың қатарында 1 Ұлы Отан соғысының қатысушысы И.Ф. Макеев, ҰОС қатысушыларына теңестірілген -3, ҰОС қатысушыларының жесірлері–8, тыл еңбеккерлері–9, Ауған соғысына қатысушылар -19, мүгедектер -10.
«ІІО ардагерлер ұйымдары тарапынан зейнеткерлерге атаулы материалдық көмек, сондай-ақ мемлекеттік және кәсіби мерекелерді өткізу кезінде тұрақты негізде көмек көрсетіліп тұрады. Сонымен қатар, жас қызметкерлерді полиция қызметінде қажетті кәсібилік пен жаңа дағдыларға үйретуге бағытталған тәлімгерлік бойынша жұмыстар іске асырылуда, онда ардагерлер кеңесі де белсенді қолдау көрсетіп келеді», - деді ол.
Төрағаның есебін тыңдағаннан кейін конференция Ардагерлер кеңесінің жұмысын қанағаттанарлық деп тапты.
Іс-шара соңында ардагерлер ұйымының жаңа құрамы сайланды, бірқатар ұйымдастырушылық мәселелер шешілді. Е. Шаймерденов бірауыздан Көліктегі ПД ардагерлер кеңесінің төрағасы қызметіне қайта сайланды.
Бұдан әрі де ардагерлер кеңесі қызметінің басым бағыты – жеке құрам арасында заңдылық пен тәртіпті нығайтуға жәрдемдесу, полиция қызметкерлерінің жас ұрпағын кәсіби және адамгершілік тәрбиелеуге белсенді қатысу керектігі міндеттелді.
Ағымдағы жылғы 23 сәуірде Астана қаласы әуежайындағы желілік полиция бөлімінің қызметкерлері «Будапешт-Астана» бағытындағы әуе рейсі ұшып келгеннен кейін құқық бұзушыны анықтады.
Тексеру барысында масаң күйінде ұшақ бортындағы қауіпсіздік ережелеріне бағынбаған 34 жастағы Оңтүстік Корея азаматшасы анықталды. Медициналық куәландыру қорытындысына сәйкес жолаушы-әйелде «орташа дәрежелі» алкогольдік масаңдық анықталды.
Ұсталған азаматшаға қатысты алкогольдік ішімдіктерді ішкені немесе қоғамдық орындарға масаң күйінде келгені үшін, әуе кемесіндегі мінез-құлық қағидаларын бұзғаны үшін бірден екі әкімшілік хаттама толтырылып, 8 АЕК мөлшерінде айыппұл салынды.
Естеріңізге сала кетейік, жолаушылар әуе кемесі командирінің немесе басқа экипаж мүшелерінің барлық бұйрықтарын қатаң сақтауы керек. Ұшу қауіпсіздігі тек экипажға ғана емес, сонымен қатар жолаушылардың барлық белгіленген ережелерді сақтауына да байланысты.
Оқиға «Астана-Алматы» бағытындағы әуе рейсінің жолаушыларын тексеру кезінде орын алды.
Алматы қаласының 38 жастағы тұрғыны масаң күйінде қоғамдық орында балағат сөздер айтып, тексеру қызметі қызметкерлерінің ескертулеріне құлақ аспаған.
Мән-жайды анықтау барысында ер адам билік өкілдерінің заңды талаптарын орындамаған. Алайда, қарсылық танытқанына қарамастан, құқық бұзушы ұсталып, полиция бөлмесіне жеткізілді.
Ұсталған азамат алкогольдік ішімдіктерді ішкені немесе қоғамдық орындарға масаң күйінде келгені, ұсақ бұзақылық жасағаны, құқық қорғау органы қызметкерінің заңды өкіміне немесе талабына бағынбағаны үшін бірден үш баппен әкімшілік жауапкершілікке тартылып, оған 5 АЕК мөлшерінде айыппұл салынды.
Ұсақ бұзақылық пен бағынбау бойынша материалдар шешім шығару үшін сотқа жолданды.
Айта кету керек, бұл құқық бұзушы бұған дейін бір жыл ішінде ұсақ бұзақылық жасағаны үшін әкімшілік жауапкершілікке тартылған болатын.
Естеріңізге сала кетейік, жыл басынан бері Көліктегі полиция департаментінің қызметкерлері түрлі әкімшілік құқық бұзушылықтар жасағаны үшін 26 330 құқық бұзушыны анықтап, жауапқа тартқан болатын. Оның ішінде қоғамдық орындарға масаң күйінде келгені үшін – 1 992, ұсақ бұзақылық үшін-219, құқық қорғау органы қызметкерінің заңды талабына бағынбағаны үшін – 23.
«Әбу-Даби-Түркістан» бағытындағы әуе рейсі ұшып келгеннен кейін жолаушыларды тексеру кезінде қала әуежайындағы желілік полиция бөлімшесінің қызметкерлері Қазақстан Республикасының діни қызмет және діни бірлестіктер туралы заңнамасын бұзғаны үшін Атырау қаласының 22 жастағы тұрғынын анықтады.
Тексеру барысында жоғарыда аталған азаматтан діни мазмұндағы кітаптардың 35 данасы табылып, тәркіленді.
Құқық бұзушы Қазақстан Республикасының заңнамасында белгіленген діни әдебиеттерді әкелуге қойылатын талаптарды бұзғаны үшін әкімшілік жауапкершілікке тартылып, оған 50 АЕК (184 600 теңге) көлемінде айыппұл салынды.
«Көліктегі полиция департаментінде еліміздің әуе және теміржол көлігі объектілерінде есірткі қылмысына қарсы іс-қимыл мен нашақорлықтың алдын алуға бағытталған кешенді шаралар қабылданып, жүзеге асырылуда. Есірткі заттарын анықтауда қызметтік-іздестіру иттерін қолдана отырып теміржол вокзалдарын, сақтау камераларын, багаж бөлімшелері мен «Қазпошта» бөлімшелерін, сондай-ақ халықаралық және жергілікті бағыттағы жолаушылар пойыздарын тексеруге айырықша көңіл бөлінеді», - деді Департамент бастығы Бақытжан Малыбаев.
Оның айтуынша, ағымдағы жылғы I-тоқсанында көлік полицейлері есірткі құралдарының заңсыз айналымына қатысты 119 құқық бұзушылықты анықтады, оның ішінде 5 өткізу, 8 аса ірі мөлшерде сақтау және 4 контрабанда фактісі және т.б. Заңсыз айналымнан 30 келіден астам түрлі есірткі заттары тәркіленді.
Ведомство басшысы ағымдағы жылғы ақпан айында Түрксіб станциясындағы желілік полиция бөлімі қызметкерлерінің Жамбыл облысының «Татты-Аспара» станциясының аралығында жедел-іздестіру іс-шараларын жүргізу барысында, қызметтік-іздестіру итінің көмегімен, облыстың 49 жастағы тұрғынын анықтап, ұстағанын айтты. Құқық бұзушыдан жалпы салмағы 4 кг 532 грамм болатын «кептірілген марихуана» және 148 грамм «гашиш» есірткі заттары тәркіленген.
Қылмыстық пиғылмен ер адам қараңғы уақытта есірткі заттарын жинап, оларды сату үшін Жамбыл облысына жеткізбекші болған.
Алайда, полицейлер есірткінің ірі партиясын Жамбыл облысына тасымалдау фактісінің жолын кесті.
«Аталған факті бойынша сотқа дейінгі тергеу жүргізілді.
Меркі аудандық сотының шешімімен қаскүнем 3 жыл 6 айға бас бостандығынан айырылды» - деп түйіндеді сөзін полиция полковнигі.
Бүгін, Көліктегі полиция департаментінде жедел кеңес өтті. Онда ведомство қызметінің 2024 жылдың бірінші тоқсанындағы қорытындылары талқыланды. Оған Департамент басшылығы мен аппарат қызметінің бастықтары, сондай-ақ онлайн режимде қосылған желілік бөліністердің басшылары қатысты.
Кеңес барысында Департаменттің қылмысқа қарсы күрес бойынша басым міндеттерді іске асыру, еліміздің әуе және теміржол көлігі объектілерінде қоғамдық тәртіп пен қауіпсіздікті қамтамасыз ету мәселелері қаралды.
Атап айтқанда, құқық бұзушылықтарды болдырмау бойынша профилактикалық жұмыстың жай-күйі, полицияның қоғаммен тиімді өзара іс-қимылының аспектілері талқыланды.
Өз сөзінде Департамент бастығы полиция полковнигі Бақытжан Малыбаев ҚР Президенті мен ішкі істер министрлігінің тапсырмаларын орындау бойынша негізгі міндеттерді, яғни, жазаның бұлтартпаушылығы, кез келген құқық бұзушылықтарға мүлдем төзбеушілік қағидатын және көлік объектілерінде қауіпсіздікті қамтамасыз етуді атап өтті.
Ішкі істер министрі полиция генерал-лейтенанты Е.С. Сәденовтің тапсырмасы бойынша 2024 жыл кадр әлеуетін көтеру жылы болып жарияланды. Осыған байланысты, кадр саясатын жетілдіру, дағдарыс жағдайлары кезінде жеке құрамның қызметтік-жауынгерлік даярлық деңгейі және жеке құрам арасында тәртіпті қамтамасыз ету, сондай-ақ әрбір полиция бөлімшесінде сыбайлас жемқорлыққа қарсы күрес жөніндегі шараларды күшейту мәселелері жан-жақты талқыланды.
Жиын соңында Б. Малыбаев желілік бөлімшелер мен аппарат қызметтерінің бастықтарына қоғамдық тәртіпті сақтау және қылмысқа қарсы күресуде нақты тапсырмалар берді.
Ағымдағы жылдың бірінші тоқсанында Көліктегі полиция департаментінің қызметкерлері белгіленбеген жерден темір жолды кесіп өткені үшін 11 417 адамды анықтап, әкімшілік жауапкершілікке тартты. Пойыздардың шұғыл тежелуінің 517 фактісі тіркелді. Сондай-ақ, ағымдағы кезеңде еліміз бойынша пойыз астына 24 азамат түскен болса, оның 13-і өліммен аяқталса, 11-і түрлі жарақат алған.
Мәселен, өткен тәулік ішінде екі адам пойыз астына түсіп кете жаздады. Бұл фактілер Ақтөбе және Түркістан облыстарында тіркелді. Абырой болғанда, барлық жағдайда пойыз машинистері жылжымалы құрамды тоқтатуға үлгеріп, қайғылы жағдайдын алдын алды. Жоғарыда көрсетілген фактілер бойынша екі құқық бұзушы белгiленбеген жерлерде темiржол арқылы өткені үшін әкімшілік жауапкершілікке тартылды.
Жазатайым оқиғалардың алдын алу және жолын кесу мақсатында көлік полицейлері халықпен, жолаушылар поездарында және оқу орындарында тұрақты негізде профилактикалық сипаттағы жұмыстар жүргізуде. Барлық іс-шараларда теміржол көлігі объектілерінде болған кезде негізгі қауіпсіздік ережелері жеткізіледі.
Қабылданып жатқан шаралардың нәтижесінде ағымдағы кезеңде Департаментте жылжымалы құрамның балаларды қағып кетудің бірде-бір фактісі тіркелген жоқ.
Көлік полицейлері азаматтарға темір жолда мұқият болу керектігін ескертеді. Темір жолдарды тек арнайы жабдықталған орындардан өту қажет.