Полицейлер аудандардың бірінде мас күйде тракторлар жүргізген екі тұрғынды тоқтатты

Тимирязев ауданында полицейлер тексеру үшін екі «BUHLER» тракторын тоқтатты. Жүргізушілерден спирттік ішімдіктің иісі шыққан. Медициналық куәландыру олардың алкогольдік мас күйде екенін көрсетті. 38 және 27 жастағы құқық бұзушылардың екеуі де әкімшілік жауапкершілікке тартылды.

Полицейлер көлік құралдарын мас күйде жүргізуге жол берілмейтінін айтады. Мас адамдар өз өмірі мен денсаулығына қауіп төндіріп қана қоймай, жол қозғалысының басқа қатысушыларына да тікелей қауіп төндіреді.

19 сәуірден бастап полицейлер «Қауіпсіз жол» республикалық жедел-профилактикалық іс-шарасы режимінде жұмыс істеуде. 4 күн ішінде тәртіп сақшылары 25 мас жүргізушіні ұстады; тиісті шаралар қабылданбаса бұлардың әрқайсысы қайғылы оқиғамен аяқталуы мүмкін.

Полиция қызметкерлері жүргізушілерді қарапайым қауіпсіздік шараларын сақтауға шақырады: қауіпсіздік белдігін пайдалану, телефонға алаңдамау, жарық шамдарын қосу. Бұл қарапайым әрекеттер арқылы денсаулықты да, өмірді де сақтап қалуға болады.