500 астам полицейлер мен әскери қызметшілер Наурыз мейрамы кезінде қоғамдық тәртіпті қамтамасыз етуде

Мереке күндері солтүстікқазақстандық полицейлер күшейтілген түрде қызмет атқаруда. Наурыз мейрамын мерекелеу күндері қоғамдық тәртіпті сақтауға және жол қауіпсіздігін қамтамасыз етуге 500-ден астам полиция қызметкерлері мен Ұлттық ұланның әскери қызметшілері жұмылдырылды.

Ал облыс орталығы тұрғындары мен қонақтарының тыныштығын мерекелік іс-шаралар өтіп жатқан орындарға жақындатылған жаяу жасақтар мен автопатрульдер күзетеді. Сондай-ақ көшелердегі тәртіпті бейнебақылау камераларының көмегімен жедел басқару орталығының инспекторлары қадағалайды.

Полицейлердің айтуынша, басты міндет – өңір тұрғындары мен қонақтарының қауіпсіздігі мен жайлылығын барынша қамтамасыз ету.