СҚО полициясы жолдардағы ауыл шаруашылығы техникасына бақылауды күшейтті

Егін жинау науқаны кезінде Солтүстік Қазақстан жолдарында тракторлар, комбайндар мен жүк көліктерінің саны арта түседі. 13 тамызда «Жезқазған – Петропавл» автожолының 834-шақырымында «МТЗ-80» тракторы тіркемесімен және «Chevrolet» автокөлігі соқтығысып, жол-көлік оқиғасы тіркелді. Соқтығысу салдарынан трактор бүйіріне аударылып, жеңіл автокөлік жол жиегіндегі орға түсіп кеткен. Оның екі жолаушысы зардап шекті.

Осындай жол-көлік оқиғаларының алдын алу мақсатында полицейлер көлік қозғалысы қарқынды учаскелерде профилактикалық рейдтер жүргізуде. Құқық қорғау органдары ауыл шаруашылығы техникасы мен жүк көліктерінің жүргізушілеріне қауіпсіздік талаптарын еске салады.

Әсіресе габаритті техника тасымалдауға ерекше назар аударылады. Оны тасымалдау үшін тиісті органдардың рұқсаты қажет, ал кейбір жағдайларда ілесіп жүру ұйымдастырылады. Техника тіркемелер мен арнайы платформалар арқылы тасымалданған кезде оны берік бекітіп, сары түсті жарқылдауық маякты пайдалану қажет. Бұл әсіресе көріну нашар болған жағдайда маңызды.

Әсіресе егін жинау жұмыстары жүргізіліп жатқан және ауыл шаруашылығы техникасы жолдың жүріс бөлігіне шығатын учаскелерде белгіленген жылдамдықты, арақашықтықты және бүйірлік интервалды сақтау маңызды.

Тасымалданатын жүк – астық және басқа да өнімдер – берік бекітілуі тиіс. Жолға шашылған астық қозғалыстың басқа қатысушыларына қауіп төндіреді.

Полицейлер шаруашылық басшыларын техниканың жарамдылығын алдын ала тексеріп, барлық талаптарды сақтай отырып тасымалдауды ұйымдастыруға шақырады. Егін жинау науқаны кезінде жол қозғалысының қауіпсіздігі мен адам өмірі әр жүргізушінің жауапкершілігіне тікелей байланысты