СҚО криминалистеріне қылмыстарды ашуға арналған заманауи техникалар таныстырылды

Солтүстік Қазақстан облысы полиция департаментінде заманауи криминалистикалық техниканың таныстырылымы өтті. «Ішкі істер органдары криминалистикалық қызметінің жұмысын дамыту және жетілдіру» тақырыбындағы семинар-кеңес аясында өңірдің бөлімшелері үшін осындай жабдықтарды сатып алу мәселелері талқыланды.

Іс-шараға полиция департаментінің басшылығы, СҚО әкімдігі өкілдері, қызмет ардагерлері және жабдықтарды әзірлеушілер қатысты.

Мамандар оқиға орнында биологиялық іздерді анықтауға және зерттеуге, сондай-ақ қаруды зерттеуге арналған ең жаңа техникалық құралдарды таныстырды.

Цифрлық криминалистика саласындағы әзірлемелер ерекше қызығушылық тудырды. Полицияда қазіргі қылмыстардың барған сайын технологиялық сипат алып келе жатқанын, сондықтан цифрлық іздерді қалпына келтіруге және үлкен көлемдегі деректерді өңдеуге арналған заманауи құралдардың маңызы артып отырғанын атап өтті.

Криминалистикалық бөлімшелердің материалдық-техникалық базасы сараптамалық зерттеулердің сапасы мен қылмыстарды ашу тиімділігіне тікелей әсер етеді.