Заңсыз жұмысшылар екі петропавлдықты қылмыстық жауапкершілікке әкелді

Петропавлдағы екі құрылыс нысанында полицейлер Қазақстан Республикасында еңбек қызметін жүзеге асыруға рұқсаты жоқ Өзбекстан Республикасының 11 азаматын анықтады. Екі жағдайда да жұмыс берушілер бұған дейін осындай құқық бұзушылық үшін жауапкершілікке тартылған.

Көші-қон заңнамасын бірнеше рет өрескел бұзу фактілері шетелдік жұмыс күшін Қазақстан Республикасында тарту және пайдалану қағидаларын қайталап бұзу бойынша қылмыстық істердің қозғалуына негіз болды. Жұмыс берушілерге 200 айлық есептік көрсеткішке дейін айыппұл салынуы мүмкін.

Жыл басынан бері Солтүстік Қазақстан облысының полицейлері шетел азаматтарының еңбегін заңсыз пайдаланғаны үшін 57 жұмыс берушіні жауапкершілікке тартты. Қазақстан Республикасында болу қағидаларын бұзғаны үшін 826 шетелдік әкімшілік жауапкершілікке тартылып, олардың 39-ы ел аумағынан шығарылды.

Көші-қон қызметінің қызметкерлері шетелдік жұмыс күшін тарту Қазақстан Республикасы заңнамасының талаптарына қатаң сәйкес жүзеге асырылуы тиіс екенін еске салады. Бұл Заң мен Тәртіпті нығайтудың маңызды факторларының бірі болып табылады.