Полицейские СҚО-да синтетикалық есірткі таратты деген күдікпен ер адамды ұстады

Солтүстік Қазақстан облысында полицейлер 29 жастағы Астана тұрғынын ұстады. Тәртіп сақшыларының мәліметінше, ол Петропавл қаласында синтетикалық есірткілерді жасырын орындарға қалдыру арқылы таратуға қатысы бар.

Жалдамалы пәтерде жүргізілген тінту барысында полицейлер ұнтақ тәрізді зат салынған 30 ораманы тауып, тәркіледі. Сараптама қорытындысына сәйкес, тәркіленген заттардың 5,55 грамы — «тұз» психотроптық заты, ал 29,21 грамы — «мефедрон».

Аталған факті бойынша сотқа дейінгі тергеп-тексеру жүргізілуде. Күдікті қамауға алынды. Оған 7 жылдан 12 жылға дейін бас бостандығынан айыру жазасы қолданылуы мүмкін.

Жыл басынан бері СҚО полицейлері 14 килограмнан астам есірткі затын тәркіледі, оның ішінде шамамен 8 килограмы синтетикалық есірткілер.