СҚО полицейі Қазақстан чемпионатында екі күрес түрінен жүлдегер атанды

Түркістан қаласында дзюдо, самбо және қазақ күресінен ардагерлер арасында Қазақстан Республикасының чемпионаты өтті. Турнирге елдің барлық өңірлерінен 400-ге жуық спортшы қатысты.

Жарыс жүлдегерлерінің қатарында Солтүстік Қазақстан облысы полиция департаменті жедел әрекет ету арнайы жасағы взводының командирі, полиция майоры Мирас Мақсүтов бар. Ол белдесулер қорытындысы бойынша дзюдо (81 кг-ға дейінгі салмақ дәрежесі) және қазақ күресі (82 кг-ға дейін) бойынша екі қола медаль иеленді.

Мирас Мақсүтов ішкі істер органдарында 2012 жылдан бері қызмет етеді, ал арнайы бөлімшеде — 2018 жылдан бастап. Ол жан-жақты дайындалған спортшы: Қазақстанның Masters Athletics федерациясының мүшесі, 60 метрге жүгіру және диск лақтыру бойынша жарыстардың жүлдегері, самбо мен еркін күрестен спорт шеберлігіне кандидат, сондай-ақ IPS ату бойынша сертификаты бар.

Полицияда мұндай жетістіктер қызметкерлер арасында салауатты өмір салтын насихаттауға және қызметтің оң имиджін қалыптастыруға ықпал ететінін атап өтеді.