СҚО-да полиция рейдтер кезінде үйсіздерге көмек көрсетуде

Солтүстік Қазақстанда суық ауа райы сақталуда. Салқындап кету салдарынан болатын қайғылы жағдайлардың алдын алу және криминогендік ахуалды тұрақтандыру мақсатында СҚО аумағында «Тұрғылықты мекенжайы жоқ тұлғалар» жедел-профилактикалық іс-шарасы өткізілуде.

Таңертеңнен бастап Петропавл қалалық полиция басқармасының қабылдап-тарату орнының қызметкерлері жылу желілері бойында, жертөлелерде және тұрғылықты мекенжайы жоқ адамдар жиі жиналатын басқа да орындарда рейдтер жүргізуде. Анықталған азаматтар жеке басын анықтау, хабар-ошарсыз кеткендер мен қылмыс жасады деген күдікке ілінген тұлғалардың тізімдері бойынша тексеру үшін қабылдап-тарату орнына жеткізіледі.

Жеткізілген әр азамат құжаттарын қалпына келтіру, жұмысқа орналасу және өзге де мәселелер бойынша көмек алу үшін әлеуметтік бейімдеу орталығына жүгіну мүмкіндігіне ие. Сондай-ақ, үйсіз азаматтардың аяздан паналауына арналған түнгі болу пункті жұмысын жалғастыруда.

Қаңтар айында қабылдап-тарату орнының, патрульдік полиция батальонының қызметкерлері, учаскелік инспекторлар және полицияның басқа да қызметтері қаңғыбас және үйсіз азаматтарды сәйкестендіру және есепке қою үшін 153 рет жеткізді.

Жедел-профилактикалық іс-шара 25-27 ақпан аралығында өтуде. Негізгі мақсаттары — әлеуметтік және құқықтық көмекке мұқтаж азаматтарға қолдау көрсету, халықтың санитариялық-эпидемиологиялық әл-ауқатын қамтамасыз ету және қоғамдық тәртіпті нығайту.