СҚО-да полиция бір күнде түнгі уақытта кәмелетке толмағандардың заңды өкілдерінсіз жүрген 50-ден астам дерегін анықтады

Солтүстік Қазақстан облысының полицейлері жасөспірімдер арасындағы қылмыстың төмендеу үрдісін атап өтеді. Дегенмен, балалар құқығын қорғау саласында криминогендік факторлар сақталуда: кейбір ата-аналардың жауапсыздығы, кәмелетке толмағандардың қараусыз қалуы. Мысалы, жыл басынан бері облыста 1819 адам жасөспірімдердің заңды өкілдерінсіз түнгі уақытта жүргені үшін жауапкершілікке тартылды.

27 шілдеден бастап Солтүстік Қазақстан облысында республикалық «Түнгі қаладағы балалар» жедел-профилактикалық іс-шарасы өткізілуде. Іс-шараның анонсы әлеуметтік желілерде, жол тақталарында және тіпті танымал әртістің концерті кезіндегі экрандарда орналастырылды, онда полицейлер қоғамдық қауіпсіздікті қамтамасыз етті.

Анонстың мақсаты – адамдарға кәмелетке толмаған балалары үшін жауапкершілігін еске салу. Полицейлер Сауда ойын-сауық орталықтары мен ойын-сауық мекемелерінде рейдтер жүргізіп, проблемалық мекенжайларды тексереді.

Петропавл қаласының Жұмысшы кентінде 37 жастағы қала тұрғынының алкоголь ішкен фактісі анықталды, оған қатысты 16 жастағы ұлын ата-ана құқығынан айыру мәселесі қаралуда. Заң бойынша оған алкоголь ішуге тыйым салынады, ол балаға тиісті тұрмыстық жағдай жасауы керек. Өкінішке орай, әйел бұл талаптарды елемеген. Аталған шағын аудандағы басқа мекенжайларда жағдай тұрақты.

Сағат 23:00-ден кейін рейдтік топтар компьютерлік клубтар мен ойын-сауық орындарын тексерді. Жоспарлы профилактикалық жұмыс нәтиже беруде: кафелерде кәмелетке толмағандардың заңды өкілдерінсіз кеш уақытта жүргені анықталған жоқ. Алайда, мұндай деректер Қазақстан Конституциясы көшесінде, саябақ маңында анықталды. Полицейлер ата-аналарын оқиға орнына шақырып, әкімшілік хаттамалар толтырды.

Жалпы облыс бойынша жедел-профилактикалық іс-шараның бірінші күні 76 әкімшілік құқық бұзушылық анықталды, оның ішінде 51-і заңды өкілдерінсіз түнгі уақытта жүргені үшін, 9-ы жасөспірімдердің алкоголь ішкені үшін.

Жұмыс қорғаншылық және білім беру органдарымен бірлесіп жүргізілуде, рейдтерге қоғам белсенділері мен еріктілер қатысуда. Кәмелетке толмағандардың қауіпсіздігі – «Заң және Тәртіп» тұжырымдамасын іске асыру аясында полицияның негізгі міндеттерінің бірі.