Шымкент қаласы Полиция департаментінің музейі – тарих пен тағылымның ордасы

Шымкент қаласы Полиция департаментінің музейі – ішкі істер органдарының қалыптасуы мен дамуын танытатын тарихи-танымдық орын.

Музей экспозициясында полиция қызметінің әр кезеңдегі даму тарихы, түрлі жылдардағы қызметтік құрал-жабдықтар мен арнайы киім үлгілері, архивтік құжаттар, фотосуреттер, сондай-ақ полиция ардагерлерінің өмірі мен қызметінен сыр шертетін бірегей жәдігерлер қойылған.

Әрбір экспонат – заң мен тәртіпті сақтау жолында адал қызмет атқарған полиция қызметкерлерінің еңбегін айшықтайтын құнды мұра. Музей келушілерге полиция қызметінің тарихымен жақынырақ танысып, оның қоғамдағы маңызы мен жауапкершілігін тереңірек түсінуге мүмкіндік береді.