Шымкент қаласы Полиция департаментінің музейінде Д. Қонаев атындағы мектеп оқушыларына арналған танымдық экскурсия ұйымдастырылды.

Экскурсия барысында оқушылар ішкі істер органдарының қызметімен, тарихымен және Жедел басқару орталығының жұмысымен танысты. Іс-шараға жалпы 70-ке жуық оқушы қатысты.

Аталған бастама жасөспірімдердің құқықтық сауаттылығын арттыруға, тәртіптілік, жауапкершілік және отансүйгіштік қасиеттерін қалыптастыруға бағытталған.

Шымкент қаласы Полиция департаменті бұл бағыттағы жұмыстарды алдағы уақытта да жалғастырады.