Шымкентте үздік тергеушілер марапатталды

Шымкент қаласы полиция департаментінде Тергеу күніне орай салтанатты іс-шара өтті.

Кездесу барысында жоғары кәсібилігі мен қылмыстарды ашуға қосқан үлесі үшін үздік тергеушілер марапатталды. Сондай-ақ, ішкі істер органдарының лайықты қызметкерлерін тәрбиелегені үшін олардың ата-аналарына да марапаттар табысталды.

Іс-шараның ерекше бөлігі ардагерлерді құрметтеуге арналды: тергеу қызметінің зейнеткерлеріне марапаттар табысталып, көпжылдық еңбегі үшін алғыс білдірілді.

Шара өзара құрмет пен ұрпақтар сабақтастығы рухында өтіп, тергеу қызметінің маңыздылығын айқындай түсті.