Павлодарда жас спортшылар арасында қоян қолтық жекпе жектен турнир өтті

"Динамо" ФСО алаңында Павлодар облысының полицейлері жас спортшылар арасында қоян-қолтық жекпе-жектен турнир ұйымдастырды

Бұл турнир "Динамо" дене шынықтыру-спорт қоғамының 100 жылдығына орайластырылды.

Жарысқа Павлодар, Астана және Алматы қалаларының спорт клубтарынан 12 команда қатысты. Турнирге 8 жастан 15 жасқа дейінгі 170 бала қатысты, олар осы спорт түрімен айналысады.

Спорт жарыстарын Жандос Орынбаев ашып, мұндай жарыстар өскелең ұрпаққа спорттық рухты, жеңіске деген ерік-жігерді тәрбиелеп отырғанын және барлық қатысушыларға жаңа спорттық жетістіктер мен жеңістер тілегенін атап өтті.

Жарыс барысында қатысушылар жас жауынгерлердің дене дайындығын, шеберлігі мен ерік-жігерін көрсетті.

Жарыс қорытындысы бойынша турнирдің барлық қатысушылары медальдармен, ал жеңімпаздар мен жүлдегерлер бағалы сыйлықтармен және чемпиондық белбеулермен марапатталды.