Полицейлер павлодарлықтарды қарумен ұстады

-

- Полицейлер түнде Естай көшесіндегі үйдің ауласында газ тапаншасы тәркіленген 35 жастағы павлодарлықты ұстады. Сол күні 36 жастағы ер адамның қалтасынан травматикалық тапанша тәркіленді. Ұсталғандар қаруды жеке қорғаныс үшін алып жүргенін өздері мойындады. Қазіргі уақытта аталған фактілер бойынша Қазақстан Республикасы ҚК - нің 287-бабы-атыс қаруын заңсыз сақтау бойынша сотқа дейінгі тергеу жүргізілуде. Полицейлер оқиғаның мән-жайын анықтап жатыр,-деп хабарлады Павлодар облысы Полиция департаментінің баспасөз қызметі.

Мысалы, Екібастұз қаласында 16 калибрлі тегіс ұңғылы аңшылық мылтықтан заңсыз жасалған кесінді тәркіленген 41 жастағы азамат анықталып, ұсталды. Қаруды заңсыз дайындау фактісі бойынша Қазақстан Республикасы ҚК 288-бабы бойынша сотқа дейінгі тергеу жүргізілуде. Заттай дәлелдемелер ретінде алынған қару сараптамаға жіберілді.

Өз кезегінде, Павлодар облысының Полиция департаменті атыс қаруын заңсыз сақтағаны үшін үш жылдан сегіз жылға дейінгі мерзімге бас бостандығынан айыруға дейін қылмыстық жауапкершілік қарастырылғанын еске салады.

Егер сізде қару-жарақ пен оқ-дәрілердің заңсыз сақталуы мен айналымы фактілері туралы қандай да бір ақпарат болса, дереу полицияға "102" телефоны бойынша хабарласыңыз немесе "Police 102"мобильді қосымшасын пайдалану арқылы хабарлама жіберіңіздер.