Қош бол, қару!

Бір жыл ішінде бірнеше рет заң бұзушылық жасағаны үшін 25 қару иесінен азаматтық қаруға рұқсат алынып тасталды, ал қару-жарақтар полиция қызметкерлерімен тәркіленді.
Үш жылдан кейін ғана аталған тұрғындар азаматтық қаруды сатып алуға өтініш беруге құқылы.
Заңнама азаматтық тұлғаларға аңшылық және спорттық атыс қаруын, сондай-ақ өзін-өзі қорғауға арналған қарудың кейбір түрлерін иеленуге мүмкіндік береді.
Алайда, заңмен қаруды сақтау шарттарына қатаң талаптар белгіленген, оларды бұзғаны үшін жауапкершілік қарастырылған.
Айта кету керек, Павлодар полицейлері азаматтық қаруды сақтау, тіркеу және қайта тіркеу ережелерінің бұзушылықтарын анықтау бойынша тұрақты түрде тексеру жүргізіп отырады.
ТҰРҒЫНДАРДЫҢ НАЗАРЫНА!
"Жекелеген қару түрлерінің айналымын мемлекеттік бақылау туралы" ҚР Заңының 19-бабы 6-тармағының 13-тармақшасына сәйкес бірқатар жағдайларда азаматтық және қызметтік қаруды сақтауға арналған рұқсаттардың қолданысы тоқтатылады.
Қаруды сақтауға немесе сақтау мен алып жүруге рұқсаттардың қолданылуын тоқтатуды ПБ мынадай жағдайларда жүргізеді:
1) рұқсаттан ерікті түрде бас тартқан не қару иесінің қайтыс болуы;
2) қылмыс жасағаны үшін заңда белгіленген тәртіппен өтелмеген немесе алып тасталмаған соттылығы болған жағдайда;

3) ҚР ҚК Ерекше бөлігі бабының тиісті бөлігінде көзделген бас бостандығынан айыру түріндегі жазаның төменгі шегінің мерзімі өткенге дейін ақталмайтын негіздер бойынша қылмыстық жауаптылықтан босатылған жағдайларда жүзеге асырылады;
4) баптарда көзделген әкімшілік құқық бұзушылықты бір жыл ішінде қайталап жасаған жағдайларда жүзеге асырылады 127, 128, 131, 382, 434, 437, 438, 440, 443, 444, 448, 450, 462, 476, 477, 478, 481, 482, 484, 485, 485-1, 486, 487, 489, 490, 492, 493, 506 ҚР ӘҚБК;
5) ҚР ҚК-нің 109, 287 (1-бөлігі), 288 (4-бөлігі), 289, 296 (1-бөлігі), 337 (1 және 2-бөліктері), 346 (1-бөлігі), 379 (1-бөлігі), 389 (1 және 2-бөліктері) - баптарында көзделген қылмыстық теріс қылық және ҚР ӘҚБтК-нің 73, 436, 453 және 461-баптарында көзделген әкімшілік құқық бұзушылық жасалған;
6) рұқсаттар алу мүмкіндігін болғызбайтын, Қазақстан Республикасының заңнамасында көзделген мән-жайлар туындаған жағдайларда тоқтатылады;
7) азаматтық немесе қызметтік қарудың иесі аталған қарудың баллистикалық және басқа да техникалық сипаттамаларының өзгеруіне әкеп соққан конструктивтік жағынан қайта жасаған жағдайларда тоқтатылады;
8) азаматтық және қызметтік қарудың азаматтық және қызметтік қару мен оның патрондарының айналымы саласындағы техникалық регламенттерге, сондай-ақ криминалистік талаптарға сәйкес келмеуі;
8-1) азаматтық және қызметтік қарудың иесін және (немесе) пайдаланушысын қаруды қауіпсіз ұстау қағидаларын білуін тексеруге жіберу туралы қаулыны алған күннен бастап 2 ай ішінде қаруды қауіпсіз ұстау қағидаларын білуін тексеру үшін емтихан тапсырмау;
9) егер адам экстремизмге, терроризмге немесе ұйымдасқан қылмысқа қарсы күрес желісі бойынша ББ және (немесе) ұлттық қауіпсіздік есебінде тұрса, тыйым салынады.