Телефонмен "сөйлесушілер" жазаланды

Жыл басынан бері облыс жолдарында көлік жүргізу кезінде ұялы телефондарды пайдаланған екі мыңға жуық жүргізушінің жолы кесілді.

Автокөліктің қозғалысы кезінде қолды пайдаланбай келіссөздер жүргізуге мүмкіндік беретін техникалық құрылғымен жабдықталмаған телефонды пайдалануға тыйым салынғанын бәрі біледі. Бірақ тәжірибе көрсеткендей, көптеген жүргізушілер қауіпсіздік үшін смартфондардан бас тартуға дайын емес.

- Мысалы, Павлодар қаласындағы М. Жүсіп көшесіндегі полицейлер рөлде телефонмен сөйлесіп отырған жүргізушіні тоқтатты. Ер адам өзінің бұзушылығын мойындады және түсіндірді: маңызды қоңырау болды, жауап беру керек болды. Мұндай жағдайларда ұялы телефонмен сөйлесу немесе хабарлама теру жүргізуші үшін басты міндетке айналады, ал көлік жүргізу екінші кезекке қойылады. Бұл құқық бұзушылық үшін рөлде сөйлескенді ұнататын адамға көлемінде айыппұл төлеуге тура келді,- деп хабарлайды Павлодар облысы ПД.

Павлодар облысының полициясы тек жүргізушілерді ғана емес, жаяу жүргіншілер мен велосипедшілерді де қозғалыс кезінде смартфондарды пайдаланудан бас тартуға шақырады.

Егер сіз қоңырау шалып, шұғыл жауап беруіңіз керек болса, тоқтағаныңыз жөн немесе телефонмен сөйлесуге мүмкіндік беретін арнайы гарнитураны қолданған дұрыс.