Павлодарлық полицейлер дауылдан кейінгі қалпына келтіру жұмыстарына көмектесуде

19 маусым күні Павлодар облысында күшті дауылды жел соғып, салдарынан тұрғындар зардап шекті, ғимараттардың шатырлары ұшып, электр желілері, ағаштар, аялдамалар, балалар алаңдары мен автокөліктер зақымданды. Тұрғындардың сүйікті орны – орталық жағалау да зардап шекті.

Қалпына келтіру жұмыстарына коммуналдық қызметтер мен арнайы техника тартылды. Сонымен қатар, аймақтық полицейлер мен бей-жай қарамайтын азаматтар да көмекке жұмылдырылды.

Еске сала кетейік, Павлодар облысында 109 нөмірі арқылы Бірыңғай байланыс орталығы, 112 және 8 (7182) 70-37-95 нөмірлері бойынша ТЖД call-орталығы тәулік бойы жұмыс істейді.