«Спросите нас. Мы рядом»: полиция Мангистау открыта к диалогу

2026 жылғы 11-13 тамыз аралығында Қазақстан Республикасы Ішкі істер министрлігі Әкімшілік полиция комитетінің Threads платформасындағы ресми парақшасында «Бізден сұраңыз. Біз жаныңыздамыз» атты онлайн-акция өткізілуде.

Бүгінде отбасындағы зорлық-зомбылықтың кез келген түріне заңмен тыйым салынған. Отбасы – қоғамның негізі, ал берік әрі тату отбасы – мемлекеттің тұрақтылығы мен әл-ауқатының маңызды тірегі.

Онлайн-акция – азаматтар мен полиция қызметкерлері арасында ашық пікір алмасуға мүмкіндік беретін алаң. Азаматтар отбасындағы зорлық-зомбылыққа тап болған жағдайда немесе осындай жағдайдың куәсі болса, өз сұрақтарын қойып, ұсыныс-пікірлерін қалдыра алады.

Барлық өтініштер міндетті түрде қаралады. Отбасылық зорлық-зомбылыққа қарсы күрес бөлімшелерінің қызметкерлері азаматтарға қажетті кеңес беріп, құқықтық және практикалық көмек көрсетеді.

Қажет болған жағдайда полиция қызметкерлері көрсетілген мекенжайға барып, тиісті көмек ұйымдастырады.

Онлайн-акция барлық азаматтар үшін ашық.

Зорлық-зомбылыққа жол бермеу – баршамызға ортақ міндет. Қиын жағдайда үнсіз қалмаңыз, көмек сұраңыз.