Маңғыстау облысында «Тасымалдаушы» республикалық жедел-профилактикалық іс-шарасы аясында профилактикалық жұмыстар жүргізілуде

Маңғыстау облысы Полиция департаменті Әкімшілік полиция басқармасының қызметкерлері «Тасымалдаушы» республикалық жедел-профилактикалық іс-шарасы аясында профилактикалық жұмыстар жүргізуде.

Іс-шара барысында республикалық маңызы бар автожолдармен қатынайтын қоғамдық көліктерге, оның ішінде жолаушылар автобустарына тексеру ұйымдастырылды.

Тексеру кезінде жүргізушілердің жол қозғалысы қағидаларын сақтауына, көлік құралдарының техникалық жай-күйіне, өрт сөндіргіштердің, алғашқы медициналық көмек қобдишасының, авариялық тоқтау белгісінің және өзге де міндетті қауіпсіздік құралдарының болуына ерекше назар аударылды.

Сонымен қатар, Ақтау қаласы аумағындағы қоғамдық көліктерде жолаушыларға арналған QR-кодтардың жұмыс істеуі тексеріліп, жүргізушілерге қолданыстағы заңнама талаптарын сақтау бойынша түсіндіру жұмыстары жүргізілді.

Маңғыстау облысы Полиция департаменті барлық жол қозғалысына қатысушыларды жол қозғалысы қағидаларын қатаң сақтауға шақырады. Жолда бір-біріңізге құрметпен қарап, өзге жүргізушілерге кедергі келтірмеңіздер. Жылдамдық режимін сақтап, қауіпсіз арақашықтықты ұстанып, сапар барысында барынша мұқият болыңыздар.

Жолдағы қауіпсіздік – баршамыздың ортақ жауапкершілігіміз!