Ақтауда такси жүргізушілеріне жол қауіпсіздігі бойынша түсіндіру жұмыстары жүргізілді

Ақтау қаласы Полиция басқармасының патрульдік полиция батальоны (ППБ) қызметкерлері жолаушы тасымалдайтын такси жүргізушілеріне жол қауіпсіздігін сақтау бойынша түсіндіру жұмыстарын өткізді.

Іс-шара барысында инспекторлар жол жүрісі қағидаларын қатаң сақтау, жүк және жолаушы тасымалдау тәртібі, сондай-ақ мүлік пен заттарды тасымалдаудың заңдылықтары жөнінде кеңінен ақпарат берді. Полиция қызметкерлері жол ережелерін бұзудың салдарына тоқталып, көлік жүргізушілері үшін қауіпсіздік талаптарын сақтаудың маңыздылығын атап өтті.

Сонымен қатар, кездесуде жол-көлік оқиғаларының алдын алу, көлік құралдарының техникалық жай-күйін бақылау, ауыр жүк тасымалы кезінде жылдамдық режимін сақтау және жаяу жүргіншілерге жол беру мәселелері талқыланды.

Полиция қызметкерлерінің айтуынша, мұндай профилактикалық шаралар жүргізушілердің жауапкершілігін арттырып, жол қозғалысы қауіпсіздігін күшейтуге ықпал етеді.