«Заң мен тәртіп»: алаяқтықтан қорғану жолдары түсіндірілді

Алаяқтықтың алдын алу – басты міндет

Жаңаөзен қаласында «Заң мен тәртіп» бағдарламасы аясында прокурор мен полиция қызметкерлерінің қатысуымен алаяқтықтың алдын алу бағытында ақпараттық сұхбат өткізілді.

Сұхбат барысында азаматтарға интернет алаяқтықтың кең таралған түрлері, олардың алдау тәсілдері және бұдан қорғану жолдары кеңінен түсіндірілді. Сонымен қатар, тұрғындарға келесі қауіпсіздік шаралары нақты ұсынылды:

• күмәнді қоңыраулар мен хабарламаларға сенбеу;
• жеке деректерді, банктік карталар мен құпия кодтарды бөгде адамдарға бермеу;
• қаржылық қауіпсіздік шараларын сақтау, жеке және электрондық төлемдерді тек сенімді сайттар мен қосымшалар арқылы жүргізу;
• күдікті интернет-сілтемелерді баспауды және белгісіз электрондық пошталардағы қосымшаларды жүктемеуді әдетке айналдыру.

Іс-шара барысында қатысушылардың сұрақтарына жауап беріліп, нақты мысалдар арқылы алаяқтықтың алдын алу әдістері көрсетілді.

Полиция мен прокуратура қызметкерлері тұрғындарды алаяқтықтан сақ болуға, күмәнді қоңыраулар мен электрондық хабарламаларға сенбеуге, жеке деректерін қорғауға шақырады.

https://www.instagram.com/reel/DWgj9cJDPGb/?utm_source=ig_web_copy_link&igsh=MzRlODBiNWFlZA==