Маңғыстау облысында қоғамдық тәртіпті сақтау бойынша түсіндіру жұмыстары жүргізілді

Маңғыстау облысы, 2026 ж. – Маңғыстау облысы Полиция департаментінің Әкімшілік полиция басқармасы Ұлттық ұлан сарбаздарымен бірлесіп, тұрғындар арасында қоғамдық тәртіпті сақтау және құқық бұзушылықтардың алдын алу мақсатында ақпараттық түсіндіру жұмыстарын өткізді.

Іс-шара барысында азаматтарға Қазақстан Республикасының Әкімшілік құқық бұзушылық туралы кодексінің талаптары түсіндірілді. Атап айтқанда:

• ӘҚБтК-нің 615-бабына сәйкес, жаяу жүргіншілер мен жол қозғалысының басқа қатысушылары жол ережелерін қатаң сақтау қажет. Белгіленбеген жерден жолдан өту, бағдаршам талаптарын орындамау және өзге де бұзушылықтар әкімшілік жауапкершілікке әкелетіні ескертілді.
• ӘҚБтК-нің 434-бабы бойынша, ұсақ бұзақылық үшін жауапкершілік қарастырылған. Қоғамдық орындарда тәртіп бұзу, айналадағы адамдарға құрметсіздік көрсету және азаматтардың тыныштығын бұзатын әрекеттер заңнамаға сәйкес жауапкершілікке әкелетіні айтылды.

Аталған түсіндіру жұмыстары азаматтардың құқықтық сауаттылығын арттыруға, қоғамдық тәртіп мәдениетін қалыптастыруға және құқық бұзушылықтардың алдын алуға бағытталған.

https://www.instagram.com/reel/DWs6sLCjGVe/?utm_source=ig_web_copy_link&igsh=MzRlODBiNWFlZA==