Маңғыстау облысында «Sapar Vision» автоматты тіркеу жүйесі іске қосылады

Жол қозғалысы қауіпсіздігін арттыру мақсатында «Заң және тәртіп» қағидаты аясында Маңғыстау облысында жол қозғалысы ережелерін бұзуды автоматты түрде тіркейтін «Sapar Vision» жүйесін орнату жұмыстары аяқталып, 2026 жылғы 3 сәуірден бастап іске қосылады.

Жаңа жүйе өңірдің 45 жол учаскесінде жұмыс істеп, автоматты түрде келесі құқық бұзушылықтарды анықтайды:
– белгіленген жылдамдықты арттыру;
– тұтас сызықты кесіп өту және қарсы жолаққа шығу;
– қауіпсіздік белдігін тақпау;
– көлік құралын басқару кезінде ұялы телефон пайдалану.

Жүйені енгізу жол-көлік оқиғаларының санын азайтуға, қауіпті учаскелердегі қауіпсіздік деңгейін арттыруға және жол қозғалысына қатысушылардың тәртібін күшейтуге бағытталған.

Көлік қозғалысын бақылау арнайы құрылғылар арқылы келесі бағыттарда жүзеге асырылады:
– Ақтау — Жетібай (7);
– Жетібай — Жаңаөзен (4);
– Жаңаөзен — Кендірлі (2);
– Жетібай — Жармыш (4);
– Құрық — Жетібай (1);
– Ақтау — Құрық (4);
– Ақтау — Ақшұқыр (3);
– Таушық (5);
– Таушық — Шетпе (3);
– Таушық — Қияқты (1);
– Ақтау — Форт-Шевченко (1).

Полиция қызметкерлері барлық жүргізушілерді жол қозғалысы ережелерін қатаң сақтауға, жолда мұқият әрі жауапкершілікпен әрекет етуге шақырады.