Маңғыстау ауданында бастауыш сынып оқушыларына жол қауіпсіздігі шарасы өткізілді

ІІО жүйесінде “Заң мен Тәртіп – Балалық шақ қауіпсіздігінің кепілі” жылы аясында, Маңғыстау ауданы, Шетпе селосындағы білім беру ұйымында бастауыш сынып оқушыларына “Жол тәртібін білейік, аман-есен жүрейік!” атты іс-шара ұйымдастырылды.

Іс-шара барысында оқушыларға бейнебаян арқылы жол белгілері, бағдаршамның адам өміріндегі маңызы түсіндірілді. Шараның басты мақсаты – Қазақстан сияқты бейбіт және тәуелсіз елде балалардың қауіпсіздігі мен аналардың бейбіт өмірін сақтау үшін әр азамат жол қауіпсіздігін білуге және сақтауға жауапты екенін насихаттау.

Оқушыларға мынадай тәртіптер үйретілді:

• көшеде дұрыс жүру және жолдан өту кезінде абай болу;

• көліктердің алдыннан жүгіріп шықпау;

• жол бойында велосипедпен жүруден аулақ болу;

• жол ережелерін сақтау және оны өмірде қолдану;

• жұмыс кезінде таза және тиянақты болуға тәрбиелеу.

Маңғыстау ауданы полиция бөлімі