«Құқықтық тәртіп» іс-шарасы аясында бірлескен түсіндіру жұмыстары жүргізілді

«Құқықтық тәртіп» жедел-профилактикалық іс-шарасы аясында бөлімнің отбасы-тұрмыстық зорлық-зомбылыққа қарсы күрес тобының инспекторлары Отбасын қолдау орталығының қызметкерлерімен бірлесе жұмыс жүргізді.

Іс-шара барысында «102» арнасына түскен шақыртулар бойынша азаматтарға құқықтық және психологиялық тұрғыда түсіндіру жұмыстары жүргізілді.

Мамандар тарапынан отбасы-тұрмыстық қатынастар саласындағы құқық бұзушылықтардың алдын алу, тұрмыстық жанжалдардың туындауына жол бермеу және зардап шеккен азаматтарға қолдау көрсету бағытында кеңестер берілді.