Студенттерге алғашқы медициналық көмек көрсету бойынша практикалық сабақ өтті

Маңғыстау облысы Полиция департаменті Әкімшілік полиция басқармасының қызметкерлері мен медициналық колледж студенттері бірлесе отырып, Ш. Есенов атындағы университет студенттеріне жол-көлік оқиғасы кезінде алғашқы медициналық көмек көрсету бойынша практикалық сабақ өткізді.

Іс-шара барысында студенттерге жол-көлік оқиғалары кезінде зардап шеккендерге алғашқы медициналық көмекті дұрыс және жедел көрсету әдістері көрсетілді. Сондай-ақ қатысушыларға жарақат алған адамға алғашқы көмек көрсету, қауіпсіздік шараларын сақтау және жедел қызметтер келгенге дейінгі әрекеттер алгоритмі тәжірибелік түрде түсіндірілді.

Мұндай сабақтардың мақсаты – жастардың жол-көлік оқиғалары кезінде дұрыс әрекет ету дағдыларын қалыптастыру және адам өмірін сақтап қалуға бағытталған алғашқы медициналық көмек көрсету мәдениетін арттыру.

https://www.instagram.com/reel/DVyCNVOjGKE/?utm_source=ig_web_copy_link&igsh=MzRlODBiNWFlZA==