ЖБО камералары арқылы жол қозғалысы ережесін бұзған жүргізушілер анықталды

Маңғыстау облысы аумағында Жедел басқару орталығының (ЖБО) бейнебақылау камераларының көмегімен қауіпсіздік белдігін тақпай көлік басқарған бірнеше жүргізуші анықталды.

Аталған деректер бойынша Қазақстан Республикасы Әкімшілік құқық бұзушылық туралы кодексінің 593-бабы негізінде әкімшілік хаттамалар толтырылды.

ӘҚБтК-нің 593-бабы көлік құралын басқару кезінде жүргізушінің қауіпсіздік белдігін тақпауы немесе жолаушылардың қауіпсіздік белдігін тағуын қамтамасыз етпеуі үшін жауапкершілікті көздейді.

Полиция жүргізушілерге жол қозғалысы ережелерін қатаң сақтауды ескертеді. Қауіпсіздік белдігін тағу – өз өміріңіз бен жолаушылардың қауіпсіздігін қорғаудың ең тиімді әрі міндетті шарасы.