Шетпе әкімшілігі мен полициясының түсіндіру жұмыстары

Шетпе ауылының әкімі А. Шамғұлов пен Маңғыстау ауданының полиция бөлімі басшысының орынбасары Б. Берікбаев ауыл кәсіпкерлерінің арасында түсіндіру және алдын алу іс-шараларын өткізді.

Іс-шара барысында келесі мәселелер қаралды:

• кәсіпкерлік нысандардың аумағын көркейту,

• санитарлық тазалық талаптарын сақтау,

• нысандардың сыртқы көрінісін талаптарға сәйкестендіру.

Кәсіпкерлерге төмендегідей ұсынымдар берілді:

• қолданыстағы талаптарды орындау,

• ғимараттардың фасадтарын жөндеу,

• маңайдағы аумақтарды таза ұстау,

• ауылдың архитектуралық келбетін бұзбау.

Осы іс-шаралардың негізгі мақсаты – Шетпе ауылының сыртқы көрінісін жақсарту, санитарлық ахуалды күшейту және тұрғындар үшін жайлы әрі қауіпсіз ортаны қалыптастыру.