Маңғыстау облысында әр аудан мен қалада профилактикалық кабинеттер жұмысын бастады

Маңғыстау облысында әр аудан мен қалада құқық бұзушылықтардың алдын алу, халыққа әлеуметтік және психологиялық көмек көрсету, сондай-ақ ара-құқықтық өзара іс-қимылды нығайту мақсатында профилактикалық кабинеттер жұмысын бастады, деп хабарлайды Polisia.kz.

Кабинеттердің қызметі Маңғыстау облысы полиция департаментінің профилактикалық жұмыс координациясы басқармасы арқылы ұйымдастырылып, мемлекеттік органдар мен азаматтық қоғам институттарымен өзара іс-қимылда жүзеге асырылады. Кабинеттердің жұмысы азаматтардың проблемаларын кешенді және бағытталған тәсілмен шешуге негізделген.

Профилактикалық кабинеттердің құрамына келесі мамандар кіреді:

• Психологтар — дағдарыстық жағдайларда, отбасы дауларында, сондай-ақ тәуекел тобына кіретін жасөспірімдермен жұмыс жүргізеді;

• Дәрігер-наркологтар — алкоголизм мен нашақорлықтың алдын алу, консультация және түсіндіру жұмыстарын жүргізеді;

• Медициналық қызметкерлер — алғашқы консультацияны қамтамасыз етеді және қажет болған жағдайда профильдік мамандарға бағыттайды;

• Әлеуметтік қызметкерлер — жағдайы қиын отбасылар мен қиын жағдайға тап болған адамдарға қолдау көрсетеді;

• Полиция қызметкерлері — құқықтық кеңес береді, құқық бұзушылықтың алдын алу жұмыстарын жүргізеді және ара-құқықтық өзара іс-қимылды үйлестіреді.

Профилактикалық кабинеттерді ашу азаматтардың проблемалық жағдайларын уақытылы анықтауға, құқық бұзушылық деңгейін төмендетуге және жан-жақты қолдау көрсетуге бағытталған.