Қару иелеріне ескерту

Құрметті азаматтар!

Азаматтық қаруды сақтау және алып жүру қағидаларын қатаң сақтау қажеттігін еске саламыз. Бұл талаптарды сақтамау сіздің және айналаңыздағы адамдардың қауіпсіздігіне қауіп төндіруі мүмкін.

🔒 Қару арнайы сейфте сақталуы тиіс.
Азаматтық қарудың барлық түрі бөгде адамдардың қол жеткізуін болдырмайтын, мықтап бекітілген сейфтерде немесе құлыпталатын металл шкафтарда сақталуы қажет.

📄 Рұқсат құжаттарының мерзімі жарамды болуы тиіс.
Қару иелері рұқсат құжаттарының қолданылу мерзімін бақылап, оларды уақытылы ұзартуға міндетті.

🚫 Қаруды заңсыз пайдалану немесе басқа адамға беру жауапкершілікке әкеп соғады.
Қаруды заңсыз қолдану, басқа тұлғаға беру немесе тиісті құжаттарсыз сақтау әкімшілік немесе қылмыстық жауапкершілікке әкеледі.

⚖️ Заң талаптарын бұзу – әкімшілік немесе қылмыстық жауапкершілік.
Қару иелерін заң талаптарын қатаң сақтауға шақырамыз. Бұл – өз қауіпсіздігіңіз бен қоғам қауіпсіздігін қамтамасыз етудің маңызды шарты.