Теңге ауылында профилактикалық түсіндіру жұмыстары жүргізілді

«Таза Қазақстан» республикалық экологиялық акциясы және «Заң мен тәртіп» қағидаты аясында Теңге ауылы әкімдігі аппаратының қызметкерлері ауылдың учаскелік полиция инспекторларымен бірлесіп, ауыл аумағында профилактикалық рейд жүргізді.

Іс-шара барысында қоғамдық тәртіпті сақтау, қоршаған ортаның тазалығын қамтамасыз ету, тұрмыстық қалдықтарды белгіленбеген орындарға тастауға жол бермеу мәселелері бойынша тұрғындарға түсіндіру жұмыстары жүргізілді. Сондай-ақ ауыл тұрғындарымен тазалықты сақтау жөнінде профилактикалық әңгімелер өткізілді.

Ұйымдастырушылар тұрғындарды тазалықты сақтауға, заң талаптарын орындауға және туған ауылдың көркеюіне бірлесе үлес қосуға шақырды.

https://www.instagram.com/reel/DUGdTU8DJ4b/?utm_source=ig_web_copy_link&igsh=MzRlODBiNWFlZA==