Құрметті Ақтау қаласының тұрғындары мен қала қонақтары!

Қала аумағында соңғы уақытта автобустар мен таксилерде кәмелетке толмағандар тарапынан бөтеннің мүлкін ұрлау фактілері тіркелуде. Мұндай жағдайлар — тек құқық бұзушылық қана емес, сонымен қатар жасөспірімдердің болашағына кері әсерін тигізетін қауіпті құбылыс.

Осыған байланысты барлық ата-аналарды балаларына:
• бөтеннің мүлкіне қол сұғу — қылмыс екенін;
• қоғамдық орындарда дұрыс және жауапты тәртіп сақтау қажеттігін;
• кез келген құқық бұзушылықтың заң алдында жауапкершілікке әкелетінін

түсіндіру жұмыстарын күшейтуге шақырамыз.

Құқық қорғау органдары профилактикалық шараларды күшейтіп, қоғамдық көліктердегі тәртіпті бақылауды жалғастыруда.

Өзіміздің және балаларымыздың қауіпсіздігі — ортақ міндет.
Қоғамдық орындарда жеке заттарыңызға мұқият болып, күмәнді жағдайларды дереу хабарлауыңызды сұраймыз.

Ақтаудың қауіпсіздігі — бәріміз үшін маңызды!