Қызылорда облысы Полиция департаментінің Сырдария аудандық полиция бөліміне мұнай өндіретін кәсіпорынның директоры арызданған. 11 сәуір күні түнгі уақытта белгісіз біреулер мекемеге қатысты учаскідегі скважинасынан 37-метр кабелін ұрлап кеткенін көрсеткен. Келтірілген материалдық шығын сомасы шамамен 250 мың теңге.
Аудандық полиция бөлімінің жедел уәкілдермен іздестіру іс-шаралары барысында осы қылмысты жасады деген күдікпен екі облыс тұрғыны анықталып, ұсталды. Олардан айғақ зат ретінде кабел алынды.
Аталған дерек бойынша Қазақстан Республикасы Қылмыстық кодексінің 188-бабының 1-бөлігіне сәйкес (Ұрлық, яғни бөтеннің мүлкін жасырын жымқыру) сотқа дейінгі тергеп - тексеру амалдары жүргізілуде. Оқиғаның мән-жайы анықталуда.
Қызылорда облысы Полиция департаментінің баспасөз қызметі