Қызылордалық полицейлер ізін суытпай ұялы телефон ұрлығын ашты

Қызылордалық полицейлер ізін суытпай ұялы телефон ұрлығын ашты

        11 сәуір күні полицияға қала тұрғынынан үйінен ұялы телефоны ұрланғандығы жөнінде хабарлама түсті. Қызылорда қалалық Полиция басқармасының қызметкерлері телефон ұрлығына қатысы бар күдікті азаматшаны ізін суытпай қолға түсірді.  Тексеру барысында күдікті көршісінің  үйіне қонаққа келіп, қонақ бөлмеде қуат көзінде тұрған  телефонды алып кеткендігі белгілі болды.

Күдіктіден ұрланған ұялы телефон айғақ зат ретінде алынды. 

Қазіргі таңда оған қатысты Қазақстан Республикасы Қылмыстық кодексінің 188-бабының 1-бөлігімен (ұрлық) сотқа дейінгі тергеп-тексеру амалдары жүргізілуде. Полицейлер оқиғаның мән-жайларын анықтап жатыр.

 

Қызылорда облысы Полиция департаментінің баспасөз қызметі