«Жолдағы балалар» жедел-профилактикалық іс-шарасы аясында жол қозғалысына қатысушыларға маңызды ескерту

«Жолдағы балалар» жедел-профилактикалық іс-шарасы шеңберінде тұрғындардың назарын көлік құралдарының айналасында болатын «соқыр аймақ» қаупіне аударғымыз келеді.

«Соқыр аймақ» – жүргізуші көлік кабинасынан толық көре алмайтын аумақ. Бұл жерде тұрған жаяу жүргіншілерді, әсіресе балаларды жүргізуші байқамай қалуы мүмкін. Мұндай жағдайлар жол-көлік оқиғаларының орын алу қаупін арттырады.

Осыған байланысты балаларға келесі қауіпсіздік ережелерін сақтау қажет:

• Автобус, жүк көлігі немесе жеңіл көліктің алды мен артына тым жақын тұрмау;
• Көлік құралдарының жанында ойнамау;
• Жолды кесіп өтпес бұрын жүргізушінің өздерін көріп тұрғанына көз жеткізу;
• Тұрақта тұрған көліктердің арасынан кенеттен жүгіріп шықпау.

Құрметті ата-аналар!

Балаларыңызға «соқыр аймақтың» қауіпті екенін түсіндіріп, жол қозғалысы қауіпсіздігі ережелерін тұрақты түрде еске салып отыруларыңызды сұраймыз.

Балалардың қауіпсіздігі – баршамыздың ортақ жауапкершілігіміз. Жол қауіпсіздігін сақтау арқылы ғана қайғылы оқиғалардың алдын ала аламыз.