Қызылордаға Германиядан келген саяхатшылар QR-коды бар туристік карталарды жоғары бағалады

👫 Германиядан келген туристер — Элин мен Арман Қызылорда облысына сапар шегіп, оларға туристік карталарды ұсынған полиция қызметкерлерінің қонақжайлығын жылы қабылдады. Қонақтар өздерін қауіпсіз сезінетіндерін айтып, тек қаланы ғана емес, бүкіл Қазақстанды қызығушылықпен зерттеп жүргендерін жеткізді.
📲 QR-кодты сканерлеген кезде туристер SAFETRAVEL.KZ порталына өтеді. Бұл жерде жайлы әрі қауіпсіз демалыс үшін барлық қажетті ақпарат жинақталған. Атап айтқанда:
жеке қауіпсіздік бойынша ұсыныстар;
➡ “102” қосымшасы арқылы полицияны шақыру мүмкіндігі;
➡ төтенше жағдайда орналасқан жерді анықтау функциясы;
➡ ұялы байланыс операторлары, SIM-карталар, такси қызметтері және басқа да пайдалы қызметтер туралы мәліметтер бар.
Барлық ақпарат қазақ, орыс, ағылшын және қытай тілдерінде қолжетімді, бұл сервис көптеген шетелдік қонақтар үшін ыңғайлы.
👮‍♂ Полиция қызметкерлері мұндай шаралар шетел азаматтарының Қазақстанда өзін қауіпсіз әрі жайлы сезінуіне ықпал ететінін және ашықтық пен сенім атмосферасын нығайтатынын атап өтті.