Полиция департаментінде кеңейтілген кеңес өтті

Қостанай облысы Полиция департаментінде өткен кеңейтілген қорытынды кеңесте өткен жылдағы жедел-қызметтік жұмыстың нәтижелері шығарылып, алдағы кезеңге арналған басым міндеттер айқындалды.

Жалпы алғанда, өңірдегі криминогендік ахуал оң динамикамен сипатталады. Есепті кезеңде жалпы қылмыстар санының азаюы, сондай-ақ қоғамдық орындарда және көшелерде жасалған құқық бұзушылықтардың төмендеуі тіркелді. Кәмелетке толмағандар, алкогольдік мас күйде болған тұлғалар және бұрын сотталған азаматтар жасаған қылмыстар саны да қысқарды. Бұл жүргізіліп жатқан профилактикалық іс-шаралардың тиімділігін көрсетеді.

Кеңес барысында сөз сөйлеген Қостанай облысы Полиция департаментінің бастығы Ерлан Файзуллин қол жеткізілген нәтижелер жеке құрамның үйлесімді әрі жүйелі жұмысының, сондай-ақ мемлекеттік органдармен және қоғамдық институттармен тығыз өзара іс-қимылдың арқасында мүмкін болғанын атап өтті.
«Біздің негізгі міндетіміз — азаматтардың қауіпсіздігін қамтамасыз ету және олардың құқықтарын қорғау. Құқық бұзушылықтардың алдын алу, олардың туындауына ықпал ететін себептер мен жағдайларды жою, сондай-ақ “Заң мен Тәртіп” идеологиясының қағидаттарын қатаң сақтау басты басымдық болып қала береді», — деді Ерлан Файзуллин.

Кеңес барысында мемлекет басшысы айқындаған стратегиялық бағыттарға ерекше назар аударылды.

Кеңес жұмысына Қазақстан Республикасы Ішкі істер министрлігінің Ұйымдасқан қылмысқа қарсы іс-қимыл департаментінің бастығы Олег Цой қатысты. Кездесу барысында ол Мемлекет басшысы мен Ішкі істер министрлігі қойған негізгі талаптарды жеткізіп, жол қауіпсіздігін қамтамасыз ету, киберқылмысқа қарсы іс-қимыл, қызметтік тәртіпті нығайту, сондай-ақ құқық бұзушылықтарға нөлдік төзімділікті қалыптастыру мен азаматтардың құқықтық санасын арттыруға бағытталған “Заң мен Тәртіп” идеологиясын іске асыру мәселелеріне назар аударды.

Сонымен қатар Цифрландыру және жасанды интеллект жылы аясында цифрлық шешімдер мен жасанды интеллект технологияларын енгізуге, аналитикалық платформалар мен автоматтандырылған жүйелерді пайдалана отырып профилактикалық жұмысты кеңейтуге ерекше мән берілді. Бұдан бөлек, әсіресе ауылдық жерлерде қылмыс пен құқық бұзушылықтың алдын алудың тиімді құралы ретінде “Ішімдіксіз ауыл” бастамасын қолдаудың маңыздылығы атап өтілді.

Қойылған міндеттерді орындау үшін полиция органдарында барлық қажетті жағдайлар жасалғаны айтылды. Кадрлық әлеуетті нығайту, қызметкерлердің кәсіби деңгейін арттыру бойынша жүйелі жұмыс тұрақты түрде жүргізілуде.

Кеңес қорытындысы бойынша Ішкі істер министрі қойған басым міндеттер айқындалып, олар қоғамдық тәртіпті қамтамасыз ету тиімділігін одан әрі арттыруға, азаматтардың құқықтары мен заңды мүдделерін қорғауға, сондай-ақ Қостанай облысындағы қауіпсіздік пен тұрақтылықты нығайтуға бағытталды.