Шымкенттік браконьерлер Қарағанды облысында қолға түсті

Шымкенттік браконьерлер Қарағанды облысында қолға түсті
Қарағанды облысында табиғатты қорғау бағытындағы "Уылдырық шашу" жедел алдын алу іс-шарасы барысында заңсыз балық аулаумен айналысқан екі азамат ұсталды. Операцияны Қарағанды облысы Полиция департаментінің табиғатты қорғау полициясы, Балқаш және Ақтоғай аудандық полиция бөлімдері мен облыстық орман және жануарлар дүниесін қорғау инспекциясының қызметкерлері бірлесіп жүргізді. Тексеру барысында анықталғандай, 21 және 22 жастағы Шымкент қаласының тұрғындары уылдырық шашу кезеңінде Балқаш көлінде заңсыз балық аулаған. Олардың әрекеті салдарынан көл экожүйесіне 631 мың теңгеден астам материалдық залал келген. Ұсталғандардан моторлы қайық, пайдалануға тыйым салынған ұзындығы 800 метрге жуық қытай өндірісінің балық аулау ауы, сондай-ақ 181,8 келі заңсыз ауланған балық тәркіленді. Тәркіленген балық түрлерінің арасында көксерке, берш, қақпан және сазан бар. Аталған факті бойынша Қылмыстық кодекстің тиісті бабы бойынша іс қозғалып, тергеу амалдары жүргізілуде. Заңсыз әрекеттері үшін күдіктілер Қазақстан Республикасының қолданыстағы заңнамасына сәйкес жауапқа тартылатын болады. Қарағанды облысының құқық қорғау органдары азаматтарды табиғи ресурстарды қорғау және сақтау жөніндегі талаптарды қатаң сақтауға шақырады.