Қарағандыда пәтер ұрлығына қатысты бірнеше қылмыс ашылды

Қарағандыда пәтер ұрлығына қатысты бірнеше қылмыс ашылды
Қарағанды қаласының Орталық полиция бөлімі соңғы айларда пәтер ұрлығы оқиғаларының күрт өскені байқалып, бірнеше арыз түскен. Қылмыскерлер әртүрлі әдістермен әрекет еткен: бір жағдайда кілттерді шебер таңдаса, енді бірінде терезе арқылы кірген. Қылмыстарды ашу мақсатында жедел-тергеу топтары құрылып, олар жәбірленушілердің арыздарын мұқият зерттеді. Нәтижесінде облыстың әртүрлі аймақтарынан келген 32-49 жас аралығындағы төрт ер адам күдікке ілінді. Топты 33 жастағы, жақын маңдағы қалалардың бірінің тұрғыны басқарған. Күдіктілер кілттерді іріктеу арқылы пәтерлерге кіріп, иелеріне 200 мыңнан 500 мың теңгеге дейін материалдық шығын келтірген. Тергеу барысында ұрланған алтын бұйымдардың бір бөлігі қаладағы және маңайдағы ломбардтарға өткізілгені анықталды. Жедел іс-шаралар нәтижесінде күдіктілер ұсталып, тінту кезінде тағы үш пәтер ұрлығына қатысты дәлелдемелер табылды. Бұл эпизодтардағы жалпы шығын 500 мыңнан 1,1 миллион теңгеге дейін жеткен. Сонымен қатар, тергеушілер тұрғын үйлерге терезе арқылы кіретін тағы бір ұрылар тобын анықтап, қолға түсірді. Қылмыстық дуэт — 44 жастағы ер адам мен оның 35 жастағы әйел сыбайласы — мереке күндерінен кейін үйлеріне оралған тұрғындардың пәтерлерінен жалпы сомасы 2,5 миллион теңгеге бағаланған зергерлік бұйымдарды ұрлаған. Күдіктілердің үйін тінту кезінде кінәларын дәлелдейтін заттар табылды. Аталған фактілер бойынша қылмыстық істер қозғалды. Тергеу барысында ұсталғандардың басқа да бұрын жасалған ұрлықтарға қатысы бар-жоғы тексерілуде. Барлық күдіктілер уақытша ұстау изоляторына қамалды, сотқа дейінгі тергеу амалдары жалғасуда.