Қарағандыда ұйымға басып кіріп, ақша ұрлаған үш күдікті ұсталды

Қарағандыда ұйымға басып кіріп, ақша ұрлаған үш күдікті ұсталды. Қарағандыда полиция қызметкерлері ұйымның есігін бұзып кіріп, ақша қаражатын ұрлады деген күдікпен үш адамды ұстады. Өткен айдың ортасында Қазыбек би атындағы полиция басқармасына 44 жастағы қарағанды тұрғыны жүгініп, белгісіз адамдардың ұйымының есігін бұзып кіріп, ақша қаражатын ұрлап кеткенін хабарлаған. Жедел-тергеу іс-шаралары барысында полицейлер бейнебақылау камераларының жазбаларын зерделеген. Кадрлардан күдіктілердің бет-жүзі анық көрініп, бұл олардың жеке басын және орналасқан жерін анықтауға мүмкіндік берген. Криминалдық полиция қызметкерлері арнайы мақсаттағы бөлімше қызметкерлерімен бірлесіп, күдіктілерді тұрғылықты мекенжайлары бойынша бір мезетте ұстады. Ұсталғандар – 32, 25 және 21 жастағы Қарағанды қаласының тұрғындары. Қазіргі уақытта сотқа дейінгі тергеу жүргізілуде. Полицейлер ұсталғандардың облыс аумағында жасалған осыған ұқсас қылмыстарға қатыстылығын тексеріп жатыр. Олардың заңға қайшы әрекеттерінің барлық ықтимал эпизодтары анықталуда. Тергеу кезеңінде күдіктілер қамауға алынды.